«Амирана муьтIахь хилар тIехь ду шуна цуьнгара билггал долу керсталла гучудолуш хIума ца хилахь»

«Амирана муьтIахь хилар тIехь ду шуна цуьнгара билггал долу керсталла гучудолуш хIума ца хилахь»

БисмиллахIиррохьманиррохьим

Алхьамду лиллахIи роббил-Iаламина

Вассалату вассаламу Iала Мухьаммадин ва Iала алихIи ва сахьбихIи ажмаIина.

Вежарий, суна цхьа хIума билгалдаккха лаьа, сан цIе цу юкъахь цхьаболчу политикаша хьаха ца йинехь со IадIаш вара, амма сан цIе а яьккхича, цу тIе доьгIна цхьацца дIакхайкхораш а дича дош ала дезаш хили сан.

Ас дIахоуьйту, Закаев Ахьмада сан цIе а йохаш, соьх дага а ваьлла дина ша дIакхойкхор, бохуш дерг бакъ ца хилар. Ахьмада цхьа хабар а дийцина со гена новкъа ваха вийзира, амма Ахьмада ма дуьйццу цахиллера и хIума. Делахь а, хIара Имарат дIакхайкхорах сайна хетарг ас яздира Амире, иза ас цуьнга шегга яздина хIума ду, нахала даккха оьшаш а дац, цо иза мехала ца лерира, цунна цо ша жоп лур ду Далла хьалхахь ша галваьлла хилахь.

Вежарий, цхьа дийцар ду КъурIана чохь, вай Пайхамар (с.а.с.) заманахь хилла а ду иза, керста нах бусулба нахаца тIом бан кечлуш, шайтIа деана царна тIе адама суьртахь, царна цхьацца хьехарш а деш, цхьацца цера хIума шена гергахь нисдеш, ша шу накъост а ду шуна, аьлла, царна хьалха а даьлла доьдаш хилла иза. Амма тIеман арене, ши могIа вовшашна гуче кхаьчча — шайтIано букъ берзийна цигара, шуна ца гург го шена, ша Делах кхоьра, аьлла.

Цунах са туьйсу, Амиро тIелаьцна болу сацам цхьана диканна Дала нисвина вац техьа цу тIе, аьлла, шайтIа гена хила там болу меттигехь иза хилча, АллахIа ма бах Сийлахь долчу КъурIана чохь, «Шуна цадезарг дика хила тарло шуна, шуна дезарг дика ца хила тарло шуна…»

Пайхамарна (с.а.с.) и тайпа хIума нисделла дацахь а,  Дала цхьана диканна чIагI ца вина техь шен ойлана тIаьхь, аьлла хета, Везачу АллахIа  ма бах «Ша нисвинарг гал ваккха стаг вац, Ша галваьккхинарг нисван а стаг вац».

Пайхамара (с.а.с.) аьлла ма ду: «Амирана муьтIахь хилларг шена муьтIахь хилла ву, шена муьтIахь хилларг АллахIана муьтIахь хилла ву. Амирана муьтIахь ца хилларг шена муьтIахь ца хилла, шена муьтIахь ца хилларг АллахIана муьтIахь ца хилла».

ШолгIа а, Пайхамара (с.а.с.) аьлла ду: «Амирана муьтIахь хилар тIехь ду шуна цуьнгара билггал долу керсталла гучадолуш х1ума ца хилахь».

Везачу АллахIа нисдойла вай вайна дуьненахь а, эхартахь а пайдехьа долчу хIуманна тIехь.